黎耀祥同田蕊妮今日現身九龍塘出席「高錕慈善基金」聖誕慈善活動2017揭幕禮，當分享經歷時，阿田指外婆是患有腦退化症，由初期經常怕天黑要嚷著回家，到後期得到家人照顧時整天笑容滿面，阿田反而覺得係外婆喺開心嘅日子，另外祥仔跟阿田喺台上互問有否腦退化症徵狀，阿田自爆試過將電話放入雪櫃而忘了。活動尾聲，佢哋一齊同高錕教授合照。
阿田解釋當日放雞蛋入雪櫃，錯手將電話放埋入去，最後因為屋企沒有電話，要經電腦向朋友求救致電，佢話：「我聽到雪櫃有電話響，好似拍鬼片咁。」阿田更笑指屋企要裝平安鐘以策安全，祥仔即指識人裝有折。祥仔指普通人或多或少有類似徵狀，講到祥仔有仔仔照顧不用擔心？佢話：「佢唔喺香港，所以我要支持多啲呢個活動，好似供保險，可能臨尾標尾會，自己用得最多。」祥仔笑指最想忘記供樓同找卡數，問到會否忘記結婚紀念日？佢話：「選擇性失憶。」
賴慰玲臨盤在即，身為好友阿田指昨晚收到對方短訊指穿了羊水，剛好預產期是今天，佢話：「佢好叻非常冷靜，今朝我都未聯絡佢。」問到會否做BB契媽？佢話：「我要輩份唔同，佢契婆或者BB契弟，叫賴慰玲做契媽都可以。」
攝影：馬建華
 黎耀祥同田蕊妮今日現身九龍塘出席「高錕慈善基金」聖誕慈善活動2017揭幕禮。 |  |  |
 賴慰玲臨盤在即，身為好友阿田指昨晚收到對方短訊指穿了羊水，剛好預產期是今天。 |
