現年34歲嘅黃聖依喺04年憑周星馳電影《功夫》竄紅，當年佢飾演啞女，含情默默咁望住星爺，一副我見猶憐樣，成為唔少男士心目中嘅女神。


黃聖依喺07年與富商楊子結婚後育有2子，今年初喺加拿大誕下第二胎。估唔到咁快復出，日前黃聖依參加咗大陸節目《演員的誕生》嚟個演技大考驗，卻慘遭導師同網友無情批評。


黃聖依喺節目中，與柴碧云、于明加一齊演出經典舞台劇《我和春天有個約會》其中一橋段，當佢知道自己孩子死咗之後嘅尖叫表情，嚇到導師之一嘅章子怡露出雙下巴，不留情面地批評﹕「這是有史以來，我看過最尷尬的一場戲」。


此外，黃聖依也被批評演技係三人裏面最差一個，佢飾演舞女小蝶，但肢體動作僵硬，台詞表演非常做作，與另外兩位演員也未能配合到位。向來好鼓勵新人嘅劉燁都認為黃聖依嘅台詞過於有舞台感，宋丹丹則批評黃聖依嘅台詞都在假說。陶虹認為劇本不合理嘅情況下，三個演員應該修改一下，不過佢哋冇呢個能力。


黃聖依今日亦有在微博回應﹕「這次上《演員的誕生》，看到大家關於“演技”熱烈地討論，第一次出演舞台劇的確有點“水土不服”，感受到了舞台劇表演的處理方式和影視劇有很大不同，我虛心接受各位導師的和大家的批評、建議，作為一名演員，應該努力把影視劇和舞臺劇都演好。人生要不斷挑戰自己，節目重在參與，謝謝大家的批評、鼓勵、建議和支持！」



黃聖依被章子怡狠批演技太做作，嚇到雙下巴都出埋。 (互聯網圖片)黃聖依連肢體動作都被評太生硬。(互聯網圖片)(互聯網圖片)
(互聯網圖片)聽住導師評語，大家都木無表情。(互聯網圖片)章子怡都好唔留面。(互聯網圖片)
劉燁、宋丹丹、陶虹都係導師。 (互聯網圖片)黃聖依憑周星馳嘅電影《功夫》竄紅。 (劇照)黃聖依已成人妻，同楊子育有兩子。 (互聯網圖片)