恭喜恭喜！林宥嘉要做爸爸喇！
30歲嘅林宥嘉，同大佢三年嘅老婆丁文琪（Kiki）去年1月登記結婚，剛好一年，身在台灣嘅林宥嘉，今日向傳媒送上一張畫有寶寶嘅卡片，宣佈丁文琪已懷胎3個月！呢胎係仔，預產期預計在7月。
成個大細路嘅林宥嘉話，當時丁文琪拎住驗孕棒俾佢睇，仲呃佢話係「朋友送嘅禮物」。林宥嘉憶述：「我當下傻住，在拍我反應，但我沒有戴眼鏡，還想說是什麼東西。」後來先至發現，自己要做爸爸喇！
當時林宥嘉感動不已，但忍住冇喊。問佢推論究竟太太幾時「中獎」？佢諗咗一諗，話：「不是蜜月那時候，是在家的時候，小孩跟我一樣很愛家。」
至於第一次透過超聲波聽到BB心跳聲，林宥嘉大為動容：「可以聽到他心跳聲，非常想哭！」
