黃智雯、袁偉豪、陳智燊、孫慧雪等今日齊齊現身大台新劇活動，其中女主角黃智雯仲一身黑色低胸look現身，佢仲同袁偉豪合唱《小酒窩》，不過袁偉豪就話見到拍擋咁性感，令佢唔敢直望。
黃智雯就話今日個造型係為咗配合佢嘅角色「菠蘿椰奶」，因為今次佢飾演嘅女主角係有人格分裂，其中一個人格「菠蘿椰奶」係比較狂野，佢又大讚袁偉豪好細心，喺後台幫佢check下有冇走光。咁男友又有講睇過呢？黃智雯就話男友喺佢她試衣時已經睇過，覺得好睇先係最緊要。佢仲話今次係佢入行以來最大嘅挑戰，自己已經用咗全力去做。佢仲話唔怕新年影響收視，觀眾欣賞重要啲咁話。而袁偉豪就話希望觀眾可以喺網上睇劇，佢今次要同三個「唔同嘅黃智雯」合作就話一啲都唔容易，做主角亦都有一定嘅壓力。
同劇嘅陳智燊被問到知唔知苟芸慧婚訊，佢就話未收到通知，仲話近日有好多喜訊，亦都會祝福對方，佢仲反問苟姑娘嘅求婚鑽戒大小。嚟緊情人節同新年Jason就話啱啱換咗屋企傢俬，仲未有時間諗點慶祝，問到會唔會生個狗年BB，佢就話需努力，而佢見到吳雨霏宣布有喜都好戥對方開心。
 黃智雯、袁偉豪、陳智燊、孫慧雪等今日齊齊現身大台新劇活動。 |  |  黃智雯就話今日個造型係為咗配合佢嘅角色「菠蘿椰奶」。 |
 |  陳智燊被問到知唔知苟芸慧婚訊，佢就話未收到通知。 |  孫慧雪 |
