今日係馬國明嘅44歲生日，唔知女友黃心穎又會點樣同馬明慶祝呢？大約1點鐘左右，黃心穎揸住佢架jeep離開油塘嘅屋企，去咗又一城泊低咗部車，不過佢喺架車擾攘咗一輪，好似喺度講緊電話，之後先至落車，唔通佢約咗馬明喺又一城食飯？
不過心穎查實係去咗Salon整頭髮，但係過咗差唔多兩個鐘都唔見人影，跟住行去停車場，發現心穎原來行咗秘道，靜靜地揸車走人！唔知佢係咪專登賣甩記者，唔好阻止佢哋過二人世界呢？
另一方面，心穎喺ig嘅動態貼咗條收花嘅片，睇到佢好開心咁拎住一盒用玻璃花盤裝住嘅16支紅玫瑰，唔通係馬明送俾女友嘅情人節禮物？睇真啲，原來係一間花店送嘅禮物。
 攝影：徐錦池、畢紹基 |  心穎一個人去咗又一城。 |  擾攘咗一段時間都冇落車。 |
 心穎話喺情人節有花收，不過唔係馬明送。(ig截圖) |  今日係馬明嘅生日，唔知心穎會點同男友慶祝呢？(資料圖片) |
