現年35歲的林子善去年在日本搞完驚喜求婚後，昨日在將軍澳一酒店筵開63席補辦婚禮迎娶董佩欣（Kary），整個婚禮連同早前到馬爾代夫拍攝婚紗照，豪花七位數。昨日早上10時15分，子善以一輛開篷勞斯萊斯到酒店接新娘，伴郎為袁偉豪，戥穿石由曾合作演出劇集《鐵馬尋橋》的好友唐詩詠、鄭嘉穎、馬國明等擔任。
姊妹團暈浪
一對新人穿上傳統中式裙褂跟禮服見傳媒影合照，新娘戴着一隻金豬，兩條金手鏈五對龍鳳鈪。影完相後，新郎新娘折返房間繼續斟茶，留下眾兄弟在場。馬國明透露接新娘時，最重要環節是子善的「愛的宣言」，眾兄弟笑說聽落沒多大感覺，反而是子善講到眼泛淚光，他們異口同聲說：「冇喎，係子善講到眼濕濕囉，我哋就喺到笑之嘛！」
晚上林子善換上紫色西裝，拖着身穿白色晚裝的太太Kary見傳媒，兩公婆都戴着鑽戒，又應要求咀嘴任拍，子善說：「呢隻係求婚連結婚1.6卡鑽戒，顏色同切割方面係最靚嘅。我未必買到最大嘅畀太太，喺quality畀到佢最好，人一世物一世，太太係值得我買畀佢嘅。」子善表示昨晚大概12,000元一圍，兩年前二人已開始儲錢準備。講到接新娘時，子善直言靚仔大晒：「啲姊妹團見到袁偉豪已經開咗三份二門，見到馬國明同鄭嘉穎直情成度門開晒。」
憶述又想喊
子善又透露在講愛的宣言前已經爆喊：「一跪低嗰下已經忍唔住，我冇要到姊妹準備嘅『愛的宣言』稿，都唔係出自我真心，自己講咗三句又喊。」他憶述時亦眼有淚光。談到造人大計，兩公婆有共識，子善說：「我想將來嘅小朋友有好好嘅生活，所以我希望努力工作、買樓先，同埋check咗自己身體先，或者下年啦。」
此外，鄭嘉穎傍晚出現時直言接新娘十分順利，笑言姊妹們沒有被兄弟迷惑而開門，一切交足功課，又爆會與馬國明幫新郎頂酒，指馬國明飲醉後語無倫次，自己喝醉就會瞓覺。
