王浩信婚後專注事業，喺大台劇接劇，未知係唔係太忙忽略咗家庭，早前傳佢同陳自瑤婚姻亮紅燈，陳自瑤亦少咗喺網上同老公王浩信晒恩愛，日前陳自瑤同姚子羚喺橫店忙完拍新劇《包青天再起風雲》後，二人終於喺網上罕有「同框」。


講緊就係佢哋合體出席陳敏之老公William嘅生日飯聚，當晚佢哋同王浩信、蕭正楠、陳自瑤、黃長興及梁烈唯等去咗黃宗澤開嘅Oystermine開餐。


敏之剛才喺IG貼出合照，相中見陳敏之、黃長興及梁烈唯都係同另一半一齊企，唯獨王浩信同老婆陳自瑤企到好開，好似分「楚河漢界」咁，王浩信搭住蕭正楠膊頭，展露微笑。