喺2001年演出台灣神劇《流星花園》而爆紅嘅台灣女星大S（徐熙媛），嗰陣呢套劇認真厲害，除咗掀起煲劇潮之外，仲翻拍咗唔同嘅版本，不過對大S同F4版本嘅地位就完全冇影響，依然有佢嘅追看性，事隔16年，《流星》嘅製作人柴智屏宣佈將開拍新版《流星》，今次搵咗新晉女星沈月做杉菜，王鶴棣將飾演道明寺，但係唔少網民都有所保留，覺得新不如舊！
o依家陀緊第3胎嘅大S，今日喺微博重提當年拍呢套劇嘅趣事，言談間承認自己好討厭杉菜：「當初演到杉菜舉棋不定的時候，我跟蔡導說：杉菜好賤喔！我討厭她，不會演。導演說服好久，什麼她還年青不懂感情的事、一個平凡的女孩突然被兩個大帥哥示愛，難免暈頭轉向⋯⋯。總之，我演到一半就不喜歡杉菜了！」之不過就算幾唔鍾意都好，大S話：「但還是盡量演到不讓觀眾太恨她！當年的觀眾都很單純，就這麼放過杉菜了！哪知上輩子的戲又重播了！這下漏洞百出！我承認，杉菜是個綠茶⋯但我還是很努力的美化了她。就醬。」
查實唔止大S勾起當年嘅回憶，楊丞琳亦都有喺微博轉發大S嘅留言，佢話：「流星花園真的是上輩子的戲，這代的觀眾居然現在才知道我是小優。這可是我的戲劇處女作呢！」隔咗冇耐楊丞琳講當日試鏡嘅情景，佢話嗰日先後試咗3個角色，最後被選為飾演李真，點知開工第一日，發生咗一件令佢意想不到嘅事。
原來當年喺現場嘅所有人，都覺得楊丞琳適合演小優多過李真，嗰一刻楊丞琳覺得好興奮，佢話：「在漫畫裡，我就很喜歡小優！居然，試鏡沒有被選上的角色，因為導演，我戲劇人生的第一個名字變成了「小優」。還記得當時無論走到哪、去到哪，大家都是小優小優的叫，根本沒人知道我的本名是什麼。但是當時覺得很開心！雖然小優這名字，被叫了好幾年，哈～總之，很感謝流星花園，讓大家對我有了一點點的認識，也開啟了我的演員之路！」
 (微博截圖) |  楊丞琳都加入討論行列！(微博截圖) |  杉菜呢個角色，令到大S爆紅！(影片截圖) |
 (影片截圖) |  F4當年令唔少FANS著迷。(影片截圖) |
