張家輝執導兼主演警匪動作新片《低壓槽》嚟緊會上映，家輝同女角之一嘅張可頤，噚日到咗廣州同東莞為電影造勢。活動現場有唔少fans圍觀。
對於鍾情港片、港劇嘅觀眾嚟講，家輝同可頤呢對搭檔並唔陌生，佢哋曾經合作演出過《十萬噸情緣》、《衝上人間》劇集，喺《十》劇仲做一對歡喜冤家，可頤話今次再同家輝合作，自己都好期待。家輝就話諗番起以前合作情境，就好似最近發生嘅事：「可頤今次演嘅角色，一般導演會習慣搵個男演員做，因為我係比較反叛嘅人，覺得呢個角色可以搵女演員演。我一直覺得可頤係一個好好嘅女演員，好斯文，好適合我要顛覆嘅創作理念。」
問到可頤點去評價家輝?佢話：「由佢做戲開始，我哋已經認識，過咗咁耐佢成個人都成熟咗，跳出咗演員嘅框框，佢對演員嘅表演好敏感亦都好細膩，導演同演員兩個身份都做得好好。」
 張家輝同張可頤多年前曾合作《十萬噸情緣》，最近又合作電影《低壓槽》。(右：《十萬噸情緣》劇照) |  張家輝噚日同張可頤到廣州宣傳。 |  張可頤 |
 張家輝執導兼主演警匪動作新片《低壓槽》 |
