劉翁、王貽興、江若琳、陳國邦、樓南光等今日喺油麻地為馬來西亞港劇《陽關道》開工，身兼編劇、導演及演員嘅王貽興同劉翁，佢哋表示呢套劇改編自香港三宗殺人案，包括紙盒藏屍、花槽雙屍案、三無兇案。問佢哋有冇酬勞？劉翁笑指：「如果見到我哋兩個要幫手演埋，即係等於冇糧出，如果有一日大家見到我哋消失喺螢幕，即係我哋有一定嘅薪水，今次場景好貴。」


飾演殺人狂嘅陳國邦，喺戲中有唔少血腥場面，江若琳就透露喺戲中要吸煙，佢話：「我要做一個好有型嘅女警，但我本身唔食煙，我食住煙講對白，真係咳死我。」蕭潤邦（Oscar）有冇投訴佢成身煙味？江若琳話：「冇，佢都有食，但好少，一日都係1、2枝，見到佢食煙，我覺得佢幾有型，因為佢長期唔有型。」




飾演殺人狂嘅陳國邦，喺戲中有唔少血腥場面劉翁講笑話如果見到佢演，即係冇糧出