陀B五個月嘅鍾嘉欣，近日返港逗留兩個星期，今次冇帶大女Kelly返嚟(新聞連結：https://bit.ly/2qJauat)
，自然多咗時間約舊同事見面，目前粗身大細，佢都盡量唔化妝，以素顏見朋友。
馬海倫剛才喺微博po出合照：「今天中午同嘉欣午餐，《金石良緣》後就冇再合作，她剛剛在香港大家可以聚舊。」佢哋2007年合作拍《金石良緣》，馬海倫演嘉欣繼母「楊大芬」；相中見着白色鬆身衫、戴黑框眼鏡嘅嘉欣，腹部微隆，精神唔錯，不過黑眼圈比較大。嘉欣返嚟都真係幾忙!
噚晚先約完契哥馬浚偉見面，佢哋拍《皆大歡喜》認識，之後拍《金石良緣》、《老友狗狗》及《蒲松齡》等，二人以阿哥、阿妹相稱，噚晚馬浚偉喺微博寫道：「兄妹相聚，是快樂的！」其實馬浚偉喺圈中有幾個「花旦契妹」，包括楊怡、陳法拉及鍾嘉欣，三個女仔都係老友，唔知幾時四個人一齊聚埋呢!?
 二人拍完《金石良緣》後就冇再合作，不過感情一直友好 |  馬海倫喺《金》演嘉欣繼母「楊大芬」(左一) |  馬浚偉同嘉欣一向以阿哥、阿妹相稱 |
